Espainiako judo txapelketako ipar aldeko junior fasea jokatu zuen Errekako Gaxuxa Zelaietak larunbat honetan, 57 kiloz beheitiko kategorian. -57tan. Errioxa, Nafarroa, Araba eta Aragoiko kirolariek Espainiako junior txapelketan parte-hartzeko lehenengo eta bigarren postuak zituzten jokoan. Zelaietak lau borroka izan zituen, hauetako bi irabazi eta bertze biak galduz. Hirugarren postua lortu zuen.
Lan bikaina egin du Zelaietak junior mailan ere. Datorren larunbat honetan jokatuko du bere mailako kadeteen Nafarroako Kirol Jokoen azkeneko fasea.
Hain zuzen, joan den larunbatean alebinen azkeneko fasea izan zuten Nafarroako Kirol Jokoetan
Honetan, Errekako Maialen Juanotena (-38 kilo), Saioa Irigoien (-30 kilo), Aitor Irazoki (-47 kilo) eta Eñaut Babaze (-42 kilo) aritu ziren eta txapelketa interesgarria izan zen.
Saioa Irigoien bigarren izan zen bere kategorian eta Maialen Juanotena ere podiumera igo zen, laugarren postuan.
Bertze aldetik, mutilek lehia arras politak izan zituzten, eta hauetan ikusi ahal izan zen beraien maila igo egin dela eta gai direla bertan lehiatzeko. Azkenean ez zuten podiumera igotzerik izan, baina kontent bueltatu ziren egindako labarekin.