Herriz herriko txapelketak jokatu ondotik, bihar, martxoaren 16an jokatuko dute Doneztebeko Santamaria jatetxean Arkupeak elkartearen mus txapelketaren final handia. 30 bikotek baino gehiagok hartuko dute parte, herriz herriz jokatutako txapelketa bakoitzeko lehen hiru sailkatuek.
09:30ean paratu dute hitzordua, eta musean hasi aitzinetik tortilla, urdaiazpiko eta txistorra dastaketa izanen dute. Ondotik, 10:00etan hasiko dira musean 30 bikotetik gora.
14:00etan bazkaria izanen dute, eta ondotik sari banaketa eginda bukatuko dute aurtengo mus txapelketa.