Sunbillako Arkupeak elkarteko kideek urteko besta ospatu dute

Ttipi-Ttapa 2023ko mar. 9a, 14:30

Bazkalondoa dantzan eta kantuan aritzeko baliatu zuten Sunbillako Arkupeak elkarteko bazkideek. Argazkia: Aitor Ibarra

Arkupeak Elkarteko Sunbillako kideen besta martxoaren 5ean, igandean, ospatu zuten. Egun borobila izan zen. 60 pertsonek bazkari eder batez gozatzeko aukera izan zuten Ariztigain kanpinean.

Lehenik mus txapelketa izan zuten eta bertan lau bikotek parte hartu zuten, baita saria lortu ere. Lehen sailkatuak Estefani eta Gregorio Agesta anai-arrebak suertatu ziren. Bigarrenak Pako Errandonea eta Luis Manterola izan ziren, Francisco Apeztegia eta Francisco Arretxea hirugarren eta Migel Anzizar eta Jose Vicente Alzuri laugarren.

Mus txapelketako lau bikote saridunak. Argazkia: Aitor Ibarra

Bazkalondoan sorpresa izan zuten. DJ J&J-ren eskutik izugarrizko dantzak eta kantuak ibili zituzten.

Dantza saio ederra egin zuten bazkalondoan. Argazkia: Aitor Ibarra

Gizartea Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun