Goizean hasita pilota partida, mahai-ingurua, bazkari herrikoia, Gazte Topagunearen bertso aurkezpena, tailerrak, tonbola KM0, batukada eta kontzertuak izanen dituzte. Xabaltx eta Burutik taldeen emanaldien ondotik, Gabezin erromeria taldeak joko du. Bazkarirako txartelak 15 eurotan salgai daude Donamariako Ostatuan, Xarmant ostatuan (Doneztebe), Txokoto ostatuan (Elizondo), Arranon (Lesaka) eta Katakun (Bera).
Ernaiko kideek adierazi dutenez, «eskualdeko gazteok elkarrekin hausnartu, ikasi eta ederki pasatzeko topagunea izanen da, landa eremuaren etorkizunerako herri alternatiba behar dugulako».