Egun osorako egitarau antolatu du erretiratuen elkartean otsailaren 16rako. Autobusez Elgorriagara joanen dira eta 10:00etan Elgorriagako Euskal Artzainak Ameriketan museora bisita gidatua eginen dute. Ondotik bazkaria izanen dute Doneztebeko Santamaria jatetxean. Eguna bukatzeko, 16:30ean 'Don kijote de Navarra' ikuskizunaz gozatzeko aukera izanen dute, eta 18:30ean hartuko dute itzulerako autobusa.
Egun pasa egin nahi dutenek otsailaren 6an eta 7an egin beharko dute izen ematea nork bere herriko delegatuari jakinaraziz. Egun osoko irteerak 49 euroko prezioa izanen du.
Hau izanen da bazkaltzeko izanen duten menua: barazki menestra, legatza saltsan kokotxa eta almejekin, txuleta, flana izozkiarekin, ardoa eta ura eta kafea eta txupitoa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.