Kadete eta infantil mailako Doneztebeko Erreka judo taldeko judokak joan den igandean, urtarrilaren 22an hasi ziren Nafarroako kirol jokoetan. Errekako lau judoka hasiak dira lehian maila hauetan. Bi kadete; Gaxuxa Zelaieta, 57 kiloz beheitiko kategorian eta Maialen Maritxalar, 63 kiloz beheitikoan. Infantiletan ere bi ari dira; Unai Irigoien, 38 kiloz beheitiko kategorian eta Joanes Juanotena, 50 kiloz beheitikoan.
Txapelketa hauek hiru fasetan banatuak izaten dira, eta hauetan puntuak bilduz, Espainiako txapelketara joateko aukera izan dezakete.
Gaxuxa Zelaieta eta Maialen Maritxalar lehenengoa eta bigarren gelditu ziren beraien kategoriatan, ikaragarrizko maila erakutsi ondotik.
Bertze aldetik, Unai Irigoienek hiru borroka izan zituen eta errepeskan ipon bat eginez irabazi zuen, hor dagoela erakutsiz. Joanes Juanotenak zorte txarragoa izan zuen, eri zegoela eta, errepeskako borroka bukatu gabe utzi behar izan zuelako.
Kadete eta infantil mailakoen ondotik, otsailaren 11n alebin mailakoak hasiko dira lehian.