Gaur arratsaldean jokatzekoak ziren Doneztebeko Ezkurra pilotalekuan Malerrekako eskuz binakako pilota txapelketako elite mailako finalerdiak. Erreka elkartetik jakinarazi dutenez, gaur arratsalderako iragarria dagoen ekaitz-alerta dela eta bertan behera utzi dituzte bi partidak eta aitzinerago jokatuko dituzte, otsailaren 1ean seguruenik.
Elite mailako finalerdietan, Labaka (Tolosa) eta Cuairan (Erreka), Goizuetako Beñat Apezetxea (Erreka) eta Mundarroko Lizeagaren kontra aritzekoak dira alde batetik eta Zugarraldeko Ugaitz Elizalde iturendarra eta Irurita (Oberena), Oberenako Oskoz eta Lazkozen kontra, bertzetik.