Doneztebeko Erreka elkarteak hogeita hamabigarren aldiz antolatutako Josetxo Ezkurra Memoriala pilota txapelketan izen emateko epea zabaldu du. Eskuz banaka eta lau eta erdiaren barrenean jokatuko den txapelketan, benjamin, alebin, infantil, kadete, jubenil eta senior mailako pilotariek eman dezakete izena urtarrilaren 29ra bitarte.
Horretarako, salaae@gmail.com helbide elektronikora idatzi behar da eta izen emateko orrian, telefono zenbaki bat eta posta elektronikoko helbide bat adierazi beharko dira. Benjamin eta alebin mailan Nafarroako pilotariak bakarrik onartuko dituzte.
Txapelketa martxoaren 5ean hasiko da eta maiatzaren 6an edo 13an jokatuko dituzte finalak. Maila guztietan txapelketa irekia izanen da, kategoria bakoitzeko 32 pilotari onartuko dira eta kanporaketa moduan jokatuko da. Igande goizez jokatuko dira partidak.