Halere, ortzeguneko finalean indartsu hasi zen Jabalera eta lehen hiru tantoak gazteak egin zituen, Labritera eraman zituen zaleen gozamenerako. Hiruna berdindu zuen Utergak, baina berriz ere Jabalera 3-5 aitzineratu zen. Bosna berdindu zuen berriz ere beteranoak eta hortik aitzinera beti nagusi izan zen markagailuan (8-5, 8-6, 12-6, 12-8, 14-8, 14-9, 17-9, 17-12, 20-12, 20-15, 23-15, 23-16, 25-16, 25-17, 26-17, 26-18, 29-18, 29-19 eta 30-19).
Sakez 5 tanto eta falta bat egin zituen Utergak eta 4 tanto egin eta faltarik ez Jabalerak. Jokoak 17 tanto egin zituen eta 8 Jabalerak eta 6 pilota galdu zituen Utergak eta 8 Jabalerak.
Finalaren aitzineko partidan, Zeberio II.ak eta Otanok 35-30 irabazi zieten Matxin III.a eta Aimar Saldias oiztarrari. Finaleko jaialdian bildutako dirua, Nafarroako Esklerosi Anizkoitzaren Elkarteari emanen zaio.