Binakako erremonte txapelketako ligaxkako azken partida jokatu zen larunbatean Galarretan eta honenbertzez, finalista zein bikote izanen den eta finalerdia zeinek jokatu beharko duten erabaki zen. Honela, Segurolak eta Larrañagak 40-25 irabazi zieten Josetxo Ezkurra II.a doneztebarrari eta Martirenari eta ligaxkako lehen postua eta finalerako zuzeneko txartela lortu zuten irabazleek. Abenduaren 24ko finalerdia jokatu beharko dute ligaxkan bigarren eta hirugarren izan diren Ansa II.a eta Aritz Juanenea saldiastarrak eta Goikoetxea V.ak eta Barrenetxea IV.ak.
Finalerdia, aipatu bezala, abenduaren 24an jokatuko dute eta pilota aukeraketa ortzegunean eginen dute. Txapelketatik kanpo gelditu dira Aldabe eta Azpiroz eta Ezkurra II.a eta Martirena.