Eguberrietako buruz buruko erremonte txapelketa Martiko Sari Nagusiko finalaurrekoak jokatu dituzte asteburuan Iruritako Aranabian pilotalekuan. Ortziralean Xanti Uterga doneztebarrak 30-29 irabazi zion Otanori eta larunbatean Aimar Jabalera doneztebarrak 30-20 Ioni. Beraz, bi doneztebarrak aurrez aurre izanen dira abenduaren 22an, ortzegunean 18:30ean Iruñeko Labriten hasiko den jaialdian jokatuko den finalean.
Nafarroako afizionatu mailako txapelketa
Sari Nagusiko partiden aitzinetik, ¡Nafarroako afizionatu mailako erremonte txapelketako partidak ere jokatu dituzte Iruritan. Ortziralean, Iturregi eta Sagasetak 35-23 irabazi zieten Maylin II.a eta Leatxeri, eta larunbatean, Iturregi eta Sagasetak 35-27 irabazi zieten Pikabea eta Mitxeori.