Txapelketa osoan erakutsi duen nagusitasuna finalean ere nabarmen utzi zuen Donibane Garaziko Jerome Karrikaburuk eta Erreka elkarteak lehen aldiz antolatutako Bortz Kirol txapelketaren finala irabazi zion Andoni Ugalde oiartzuarrari (88-49), larunbat arratsaldean Doneztebeko Ezkurra pilotalekuan. Xaren eta joko garbin garaipen garbiak lortu zituen Karrikaburuk eta eskularruarekin eta paletarekin ere irabaztea lortu zuen. Honela, eskuzko pilota partidara aukerarik gabe ailegatu zen Ugalde. Halere, final polita eskaini zuten. Datorren urtean bigarren edizioa antolatzeko prest azaldu da Erreka kirol elkartea.