Eguberrietako buruz buruko erremonte profesionaleko txapelketa-Martiko Sari Nagusian sartzeko kanporaketa jokatu zuten abenduaren 6an Doneztebeko Ezkurra pilotalekuan hiru erremontistak: Aimar Saldias oiztarrak, Aimar Jabalera doneztebarrak eta Otanok. Uterga eta Ionekin batera finalerdiak jokatzeko bi txartel zeuden jokoan eta Jabalerak eta Otanok eskuratu zituzten.
Lehen partidan Otanok 20-18 irabazi zion Jabalerari eta bigarrenean Otanok 20-16 irabazi zion Saldiasi. Beraz, lehen txartela Agoizkoarentzat izanen zela jakinik, Malerrekako bi erremontistek jokoan izan zuten bigarren txartela hondarreko partidan eta Jabalerak 20-15 irabazi zion Saldiasi.
Beraz, Uterga, Ion, Otano eta Jabalera izanen dira zozketa bidez erabakiko diren final aurrekoetan. Eguberrietako txapelketaren ofiiala abenduaren 14an, asteazkenean 17:00etan eginen dute Beran, Martiko enpresaren egoitzan.