Doneztebeko Erreka elkarteak lehen aldiz antolatutako Bortz Kirol pilota txapelketa azken txanpara sartua da. Larunbatean jokatu zuten bigarren finalerdia Eloi Otxandorenak eta Jerome Karrikaburuk. Pronostikoak bete eta Donibane Garazikoa nagusitu zitzaion Doneztebekoari. Honela, Karrikaburuk eta Andoni Ugalde oiartzuarrak jokatuko dute finala larunbatean 17:00etan.
Larunbateko finalerdiko azken emaitzan, Karrikaburuk 82-49 irabazi zion Otxandorenari. Xare, Karrikaburuk 20-2 irabazi zion Otxandorenari eta joko garbin ere, lau tantotan utzi zuen Donibane Garazikoak Doneztebekoa. Eskularruz ailegatu zen Otxandorenaren lehen garaipena (14-20), baina paletaz berriz ere Karrikaburuk 20-3 irabazi zion Otxandorenari. Beraz, finalerako txartela erabakia zegoela ailegatu ziren eskuzko partidara. Otxandorenak 20-8 irabazi zion Karrikabururi.