Igandean, hilaren 11n, 10:00etatik 14:00etara artisauak egonen dira Parrokia karrikan. Bertan xaboiak, bitxiak, gozoak, eztia, taloak... erosteko aukera izanen da. Gainera, herriko eskolako Erreka Guraso Elkarteak postua paratuko du eta jostailuak, pazko loreak eta liburuak erosteko aukera izanen da. Bildutako dirua Saray Bularreko Minbiziaren Nafarroako Elkarteari emanen diote. Azokak irauten duen bitartean karrikak alaitzeko Mendaur trikitixa eskolako ikasleek kalejira eginen dute.
Arratsaldean izanen du jarraipena egitarauak. Matrioskas, las niñas de la guerra pelikula ikusteko aukera izanen da 19:00etan Zineman.
Asteartean, Santa Luzia egunean ere azoka izanen da. 11:00etan meza izanen da, eta ordu berean artisauak izanen dira eliza atarian: xaboiak, bitxiak, gozoak, eztia, taloak...