Euskararen Eguna ospatzeko hainbat animazio prestatu dituzte Ezkurran. Euskararen Egunean berean, abenduaren 3an izanen dituzte lehenengoak. 16:00etan txapak egiteko tailerra izanen dute, gero 17:00etan DJ Porruk animatuko du giroa eta eguna bukatzeko, 18:00etan, txokolatada izanen dute.
Abenduaren 10ean bertsoak eta trikitixa
Abenduaren 10ean segituko dute Euskararen Eguneko ospakizuna Ezkurran, Barranka jatetxeko triki bertso afariarekin. Aitor Mendiluze eta Nerea Elustondo bertsolariak ariko dira kantuan eta Joxe eta Iñaki trikitilariak musika jotzen.