Zehazki Malerrekako eskoletan elikagaien xahuketa murrizteko, hondakinen sorreraren prebentzioa bultzatzeko, biohondakinen birziklapena sustatzeko eta gainerako hiri-hondakinen kudeaketa hobetzeko kanpaina espezifikoak garatu dituzte. Guztira, 2022an, Mankomunitateak 30.000 euro baino gehiago inbertitu ditu ekintza horiek guztiak egiteko, eta gehienak 2022ko Hondakinen Urteko Funtsak diruz lagundu ditu.
Hondakinen Urteko Funtsa Nafarroako Mankomunitateek zabortegira bideratzen duten hondakin tona bakoitzeko ordaintzen duten kanonaren bitartez hornitzen da. Urte osoan bildutako dirua entitateei itzultzen zaie hondakinen kudeaketa hobetzeko aurrera ateratzen dituzten ekintzen, hondakinen murrizpen edota birziklapen datuen arabera.