Jabalera eta Uterga doneztebarrak aurrez aurre izanen dira gaur Azpeitiko erremonte txapelketaren finalean

Ttipi-Ttapa 2022ko aza. 25a, 09:00
Jabalera eta Uterga aurrez aurre izanen dira aitzineko kuadroetan

Azpeitiko Izarraitz pilotalekuan hasiko den jaialdiko finalean aurrez aurre izanen dira Doneztebeko Xanti Uterga eta Aimar Jabalera doneztebarrak. Beteranoak Agirrezabala izanen du lagun gibeleko kuadroetan eta gazteak Ion. Aitzinetik, hirugarren posturako lehia jokatuko dute Matxin III.ak eta Otanok, Zeberio II.a eta Aimar Saldias oiztarraren kontra.

Jabalera eta Ionek ligaxkako partida guztiak irabazi dituzte, baina egia da finalean dauden bi bikoteen arteko partidan ez zela Uterga aritu. Otxandorena aritu zen bere ordez. Beraz, final ikusgarria espero dute. Sarrera 6 euro gostako da, Azpeitiko udalaren laguntzari esker.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun