Jubiloteka zerbitzua ezagutzeko ate irekien jardunaldia antolatu dute Malerrekako Mankomunitateak eta Donamariako Udalak azaroaren 14an, astelehena, 16:00etan Donamarian.
Erabiltzaileak «ilusioz» ari dira bisita prestatzen eta gorputza eta burua lagunartean lantzeko aukera izanen dute, bertzeak bertze, koordinazio, memoria, oreka eta komunikaziorako ariketak eginez, Ramoni Ordoki begiralearen eskutik.