Doneztebeko Seiryu arte martzialetako akademian emakumeentzako defentsa pertsonaleko klaseak ematen hasiko dira aste honetan, Charly Speratti irakaslearen eskutik. Azaroaren 4an, ortziralean, 18:00etan dojoan elkartuko dira lehenbiziko klasea emateko eta doan izanen da probatu nahi dutenentzako.
Emakume guztiei zuzendutako ikastaroa izanen da, adina edo egoera fisikoa kontuan izan gabe. Defentsa pertsonala irakasteaz gain, prestaketa fisikoa ere eginen dute. Horretarako, astero ordubeteko saio bat izanen da ikasturte bukaera arte.