Hiru bikote ailegatu dira finalera sailkatzeko aukerekin: Zeberio II.a eta Ion, Uterga eta Mitxeo eta Matxin III.a eta Otano. Jabalera-Agirrezabala eta Eloi Otxandorena eta Aimar Saldias bikoteek ez dute aukerarik, baina hauek epaile izan daitezke igandean.
Hain zuzen, jaialdiko lehen partidan Matxin III.a eta Otano ariko dira Otxandorena eta Saldiasen kontra. Matxin III.ak eta Otanok irabaziko balute finalean izanen lirateke. Galduta ere, lortutako emaitzaren arabera, sailkatzeko aukera izanen lukete, bigarren partidako emaitzaren arabera.
Bigarren partidan Zeberio II.a eta Ion, Xanti Uterga eta David Mitxeo doneztebarren ariko dira. Irabazlea finalean izanen da eta galtzaileak ere, izanen luke aukerarik, lortutako tantoen eta lehen partiduko emaitzaren arabera.
Txapelketako bertze jardunaldietan bezala, sarera 10 euro kobratuko dute eta osorik ADANO elkartearentzat izanen da.