Nafarroako Gazteria Institutuak (NGI) topaketa bat antolatu du asteburu honetan Doneztebeko Belbieretxea gazte aterpetxean, Nafarroan Europako Solidaritatearen Taldearen (CES) bidez boluntariotzan aritzen diren gazteen artean. Ekitaldian, parte-hartzaileek esperientzia ebaluatzeaz gain, etorkizuneko aukeren gaineko informazioa eta baliabideak partekatu dituzte.
Europako zazpi herrialdetako (Alemania, Espainia, Italia, Errusia, Frantzia, Eslobakia eta Turkia) hogei gaztek parte hartu dute, Nafarroako gizarte eta gobernuz kanpoko erakundeetan parte hartzen dutenak. Donezteben zenbait tailer egin dituzte eta Bertizko Natur Parkea ezagutzeko aukera ere izan dute.