Urriaren 9an, igandean Pobesen (Araba) ospatuko den Arabako babarrun pintoaren XXVI. Azokaren barrenean jokatuko da Urrezko Aizkolari Txapeldunen Ligako finala, 12:00etan. Gizonezkoen finalean ez da eskualdeko aizkolaririk izanen, baina emakumeen artean Maika Ariztegi iturendarra ariko da lanean. Harri-jasotzaileak ere ariko dira.
Gizonezkoen finalean Iker Vicente, Julen Alberdi Txikia IV.a, Mikel Larrañaga eta Suharri Rodriguez lehiatuko dira eta emakumezkoen artean, Maika Ariztegi iturendarra eta Claudia Muñoz.
Harri-jasotzen ere gizonezkoak eta emakumezkoak ariko dira: Jon Unanue Goenatxo III.a, Xabier Aranburu Guzta, Lucia Orbe eta Patricia Martin.