Nafarroako erremonte profesionaleko binakako txapelketako laugarren jardunaldia jokatuko dute irailarem 30ean, ortziralean 19:00etan hasita Agoizko Toki Eder pilotalekuan. Lehen partidan Zeberio II.a eta Ion, Matxin III.a eta Otanoren kontra ariko dira eta bigarrenean, Xanti Uterga eta Dabid Mitxeo doneztebarrek, Aimar Jabalera doneztebarra eta Agirrezabala izanen dituzte arerio.
Jabalera eta Agirrezabalarentzat ligaxkako azken partida izanen da eta garaipena nahitaezkoa izanen dute, finalerako sailkatzeko aukerak izatekotan. Lehen partidan Matxin III,ak eta Otanok garaipena lortuko balute, jardunaldi baten faltan finalerako txartela eskura izanen lukete.
Txapelketako bertze partidak bezala, hau ere ADANO elkartearen aldekoa izanen da eta 10 euroko sarrera/ekarpena ordaindu beharko da.