Ugaitz bikotekidearekin joan zen castingera, eta ordukoa da EITBk gaur zabaldu duen bideoa. Baina azkenean, Ugaitzek abentura etxetik segitzea erabaki du eta Naroak bakarrik parte hartuko du saioan. Programaren sare sozialetan zabaldu dutenez, «neska jatorra, alaia eta irribarretsua da. Hagitz gozoa eta sentibera da, agudo emozionatzen den horietakoa. Hori bai, ez da isiltzen eta jenio bizia du, behar denerako. Afizioen artean, mendian ibiltzea, lasterka egitea eta dantzatzea ditu».
Karibe itsasoan galdu ondotik, palmondo bakarra duen Cayo Tururú uhartean hasiko dute abentura ETB1eko Naufragoak saioko lehiakideek. Tartean izanen da Naroa Telletxea 23 urteko iturendarra. Helburua bizirautea izanen da. Irailaren 27an estreinatuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun