Mendi abesbatzak kontzertua eskainiko du larunbatean Orgiko hariztian

Mendi abesbatzak Orgiko hariztian kantatuko du larunbatean.

Larunbat honetan, arratsaldeko seiretan, Doneztebeko Mendi Abesbatzak zinez leku berezian eskainiko du kontzertua: Orgiko Hariztian, hain zuzen ere. Kurtsoa hasi berria izanagatik, ilusio eta energia handia paratu dute abeslariek halako leku magikoan abesteko aukera ahalik eta hobekien probesteko.

Kontzertuaren egitaraua batez ere euskal doinuek osatuko dute, eta tartean Agurra, Baratze bat edota Haurrak lotaratzeko soinua adituko dira. Horiez gain, Torrevieja habanera eta Rosana abeslariaren Si tú no estás aquí goxoa ere tartean izanen dira.

Bakarlari lanetan Goreti Anzizar, Arantxa Ziganda, Alicia Telletxea, Fran Indart eta Xalba Arriola ariko dira. Eta denei laguntzen, Ruth Etxebeste pianojolea, zein Itziar Irigoien txistularia.

Kontzertua Lizasoko Kontzejuak eta Ultzama Fundazioak antolatu dute elkarlanean. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun