Ez gazteen taldean Iker Bereau, Segio Fagoaga (min hartu eta bere partez Kazo aritu zen), Alberto San Miguel eta Lander Mendiola aritu ziren eta gazteen taldean, berriz, Ioritz Zelaieta, Xuban Ilarregi, Jokin Arotzena eta Laurendi Zelaieta.
Partidaren ondotik, omenaldien txanda izan zen. Elkarteko kiderik zaharrenetarikoa izateagatik, Joakin Ilarregiri txapela eman zioten eta laxoa elkarteak oparia eman zion. Herriko jokalariek, berriz, koadro bana oparitu zieten Ilarregiri eta Joakin Zigandari. Orain dela urte batzuk egindako laxoaren egunean omenaldia egin zioten Zigandari, baina eguraldi txarra tarteko oroigarriak emateko aukera baino ez zuten izan. Ilarregiren argazki guzietan biek ageri zirela eta, biei koadro bana eman nahi izan zieten herriko laxoa jokalariek.