Larunbatean, gazteen bazkariaz gain, aizkora erakustaldi bikaina izan zen, hamabi aizkolariren parte-hartzearekin. Igandean, meza izan zen eta puzgarriak eta bestelako jokoak txikienendako, baina ikusmin handiena Funbox Factory Freestyle Show Team taldekoen bizikleta salto eta txiribueltak sortu zuten. Tortilla eta postre lehiaketaren ondotik suak ikusteko aukera ere izan zen. Bukatzeko, igandean kantu eta bertso bazkaria, Anjel Mariezkurrena, Jalisko eta Beñat, Anjel Mari Peñagarikano eta Amaia Agirrerekin. Ondotik ere izan zen merienda herriko haur eta gaztetxoendako, dantzaldia Jaliskorekin eta gauerdian Gaixoa Ni.