The Trikiteens taldeak igandean joko du Donamariako frontoian

Ttipi-Ttapa 2022ko uzt. 29a, 07:00
The Trikiteens taldeak emanaldia eskainiko du igandean Donamariako frontoian.

Kultur 2022 programaren barrenean, Malerrekako lehen emanaldia uztailaren 31n eskainiko du The Trikiteens taldeak Donamariako frontoian, igandean 19:00etan.

The Trikiteens plaza taldea da. Kalejirak, jotak eta porrusaldak, jauziak, baltsak, mexikarrak eta dantzatzeko beste pieza batzuk interpretatzen dituzte. Betikoak eta batzuk berriagoak. Batzuetan herri kantak aldatu egiten dituzte nortasun propioa emateko. Eta herri musikaren esentzia galdu gabe, erritmo azkar eta dibertigarriagoekin jotzen dituzte. Bertze batzuetan, talde modernoagoen bertsioak interpretatzen dituzte, pop, rock, punk eta ska erritmoak bezain askotarikoak, betiere publikoaren elkarreragina bilatuz.

Beintza-Labaienen Lezealdera bisita

Egun horretan, Lezeealde, Lur barruko altxorra espeleologia jarduera ere eginen dute Beintza-Labaienen. 10:00etan hasita, hiru orduko ateraldia izanen da. 20 euro ordaindu beharko dute helduek eta 14 euro 8-17 urte artekoek. Izen-ematea info@orbela-beintza.com eta 659 47 73 96 telefonoan egin daiteke.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun