Katea Bike taldean ari diren Eneit Bertiz Apezetxea eta Koldo Herrera Urroz sunbildarrek Nafarroako selekzioarekin Espainiako mendi bizikleta txapelketan parte hartu dute asteburu honetan Candeledan (Avila).
- Uztailaren 22an, ortziralean, Nafarroako selekzioa ordezkatuz bortz txirrindulari aritu ziren erreleboka jokatutako lasterketan, tartean bi sunbildarrak. Lan ona egin zuten eta seigarren postua lortu zuten.
- Uztailaren 23an, larunbatean, bero latzarekin, 23 urtez beheitiko proban atera zen Koldo Herrera, baina utzi behar izan zuen.
- Uztailaren 24an, igandean, junior mailako proban lehiatu zen Eneit Bertiz, eta meritu handiko zortzigarren postua eskuratu zuen.