Ortziralean berean kontzertuak izan zituzten eta larunbatean, paella jate herrikoian 150 lagun elkartu ziren. Bazkalondotik ederki ibili ziren Elutxa txarangarekin eta 75 metro luze zuen ur arranpala probatzeko aukera ere izan zuten.
Igandeko Elegante Egunean haurrentzako puzgarriak eta mus txapelketa izan zuten. Elgorriagako Jon eta Xabi Olazar suertatu ziren txapeldun eta Lesakako Iker Iriarte eta Antton Petrirena txapeldunorde. Tortilla eta postre dastaketa ere arrakastatsua suertatu zen.
Santiago eguneko meza eta toka txapelketaren ondotik, 85 lagun elkartu ziren zikiro-jatearekin eta Beñaten musikarekin eta afariarekin borobildu zituzten bestak.