Matxin III.a eta Ion azpeitiarrek irabazi dute Iruñeko San Fermin erremonte profesionaleko txapelketa, uztailaren 13an Labriten jokatutako finalean 35-27 irabazi baitzieten Zeberio II.a eta Aimar Saldias oiztarrari. Gorriak 6-0 irabazten hasi ziren, baina bikote gipuzkoarrak norabidea zuzendu zuen, Ionek agindu zuen gibelean eta Matxin III.ak ongi asmatu zuen aitzinean. Halere, lau erremontistek ikuskizun polita eskaini zuten.
Finalaren aitzinetik, hirugarren postua erabakitzeko partida jokatu zuten eta Eloi Otxandorena doneztebarrak eta Otanok 35-26 irabazi zieten Aimar Jabalera doneztebarrari eta Agirrezabalari.