Aurkeztutako hamar lanen artean bereak lortu zituen herritarren boto gehien eta 100 euroko saria irabaziko du
Zubietako festetako kamiseta bat egiteko logo lehiaketa antolatu dute aurten lehen aldiz Zubietako gazteek, herritarrei zuzendua. Nahitaez ‘Zubietako fiestak’ esaldia izan behar zuten txuri-beltzeko diseinuak entregatzeko azken eguna ekainaren 20a izan zen eta denera hamar lan aurkeztu zituzten. Gustura zeuden antolatzaileak parte-hartzearekin. Irabazlea bozketa herrikoiaren bidez aukeratu da eta Manu Elizalde Mitxelena izan da.
Beretzat izanen dira, beraz, 100 euroko saria eta bere logotipoa izanen duen kamiseta. Gainera, beste parte-hartzaileei bezala, logotipoa duen edalontzi berrerabilgarria ere oparituko zaio Elizalderi ere.
Behin logotipoa erabakita, festetako ekitaldiak lotzeko lanetan buru-belarri ari dira bai Zubietako udala, baita gazteak ere.