Uztailaren 3an Izkuen jokatutako Euskadiko BTT Openeko hondarreko proban hirugarren izan zen Katea Bike taldeko Eneit Bertiz sunbildarra, gurpila bi aldiz zulatu ondotik. Halere, aitzinetik egindako lana baliagarria izan zitzaion eta Euskadiko BTT Opena irabazi du junior mailan. Koldo Herrera sunbildarrak lasterketa ederra egin zuen Izkuen eta hirugarren izan zen parte hartu zuten txirrindulari guztien artean, bigarren 23 urtez beheitikoen artean. Honi esker, hirugarren izan da Euskadiko BTT Openeko 23 urtez beheitiko mailako sailkapen orokorrean.