Zubietako fiestetako kamiseta bat egiteko logo lehiaketa antolatu dute Zubietako gazteek, herritarrei zuzendua. Diseinuak entregatzeko azken eguna ekainaren 20a, astelehena, izanen da eta irabazlea bozketa herrikoiaren bidez aukeratuko da.
Diseinuan ‘Zubietako fiestak’ esaldia agertu beharko da, marrazkiak ezin izanen du kolorerik eduki eta lanak udaletxean entregatu beharko dira gutun-azal itxi batean. Irabazlearentzat saria 100 euro eta kamiseta izanen da. Gainera, parte-hartzaile guztiei edalontzi berrerabilgarri bana oparituko zaie.