Frantziar autozale talde bat beraien kotxe klasikoekin Ariztigain kanpinera asteburu pasa etorri zen, ekaineko lehen asteburuan. Larunbatean Larhun bisitatu zuten, Ezpeletan bazkaldu eta Izpegitik, Baztanen barna Ariztigain kanpinera etorri ziren.
Bertan trikitilari talde batek musika polita jo eta giro ederra eskaini zien. Sunbillako Iradi Arretxea, Helene Rekarte, Ane Etxalar eta Itxaso Arrieta dantzariek, Rakel Urtxegi, Edurne Urroz eta Joxe Mari Atxun txistulariaren soinupean aurreskua dantzatu zieten. Igandean, Donostia inguruan ibili ziren eta Astigarragako sagardotegi batean bazkaldu zuten. Astelehenean, agurtzerakoan, oroigarri plaka oparitu zieten.