Zubietan hiru zauritu
Zubietako dermioan, NA-170 errepideko 23,5 kilometroan aurrez aurre talka egin ondotik, hiru pertsona eraman zituzten atzo arratsaldean Nafarroako Unibertsitate Ospitalera. Istripua 19:10 aldera gertatu zen. Zaurituak 56 eta 34 urteko bi emakume eta 32 urteko gizon bat dira. Lehenengoa, politraumatismoarekin, helikoptero medikalizatuan eraman zuten eta pronostiko larria du. Bertze biak, zauri arinekin, anbulantzian eraman zituzten. Oronozko parkeko suhiltzaileak, Doneztebeko lehen mailako arretako langileak eta foruzainak artatu zuten ezbeharra.
Elgorriagan bidetik atera eta irauli
Foruzaingoak jakitera eman duenez, gainera, alkoholemia-tasa penalak izateagatik, asteburuan Nafarroan gertatu diren istripuetako zazpi gidari ikertzen ari dira: lau prebentzio-kontroletan gelditu dituztenak (Berriobeitin, Milagron, Tuteran eta Iruñean), eta bertze hiru istripua izan ondotik atzeman dituztenak, azken hauen artean dago Elgorriagako istripukoa.