Orduz geroztik arropak egin izan ditu Mindegiak, «haurrendako batez ere eta boltsoak egiten ere ibiltzen naiz, nire diseinuarekin, panpin batzuk… dena hobby moduan. Patronajea gustatu zitzaidan egin, patroiak egin eta hori arropan transformatu… Patroi orokorra egiten erakusten dizute eta gero hori zeronek transformatu, hori dena ikasi nuen».
Orain epaimahai-buru izanen da Rosa Mindegia Iturenen, «erresponsabilidadea ere bada, eta orduko gauzak errepasatuak ekarri beharko ditut. Ongi egonen da eta erraza izanen dela iduritzen zait, ez dakit».