«Herrigunea» bisitatzen dute batez ere; «garai bateko etxe ederrekin, Bearzana frontoia barne. Asmo horrekin ari gara erdigunean eragin nahian, ibiltari eta ibilgailuen hartu-emanak goxatu nahian». Herritik kanpora, «Bide Berdea, Uraren bidea eta Ederbidea ditugu oinez zein bizikletaz gozatzeko». Jende «nahikotxok» bisitatzen du herria, «udaberri eta udazkenean asteburuetan, zubietan eta udan berriz zenbait egun pasatzera».
Doneztebe eta Malerreka marka «indartu» nahi dute, «bisita gidatuak berriz martxan jarriz, laxoa gure kirol deigarria ezagutaraziz, bertze proba edo ekitaldiak landuz… etorri eta gozatu herriaz, bere denda, ostatu eta jatetxeez, inguruko bide bazterrez, familia giroan, lagun artean, jai egitera, kirola egitera, karrika eta naturaz gozatzera… denok dugu tokia Donezteben».