Ados pilota elkarteak eta Malerrekako Mankomunitateak, Malerrekan errespetuzko harremanak kanpainaren barrenean, zazpi herritako udalen eta Doneztebeko Santamaria jatetxearen eta Ttipi-Ttapa Fundazioaren laguntzarekin antolatutako Malerrekako erronka emakumeen pilota txapelketa arrakastatsuaren finala maiatzaren 22an, igandean 12:00etan Sunbillan jokatuko dute Ekaitza (Iera Iturriaga leitzarra, Naroa Etxekolonea zubietarra eta Ane Mendiburu zubietarra) eta Mendaur (Arrieta, Oses eta Mujika) taldeek.
Txapelketako jaialdi guztietan bezala, lau eta erdiaren barrenean buruz buruz partida bat 18 tantora eta binaka bertze partida bat 22 tantora jokatuko dituzte. Txapelketako partiden aitzinetik, beti bezala, eskualdeko pilotari gaztetxoak arituko dira Sunbillako pilotalekuan, igandean 11:00etan hasita.