Katea Bike Team taldeko txirrindulariek lasterketa bikaina egin zuten igandean Aiegin, Rural Kutxa Kopari zegokion laugarren mendi bizikleta lasterketan. Eneit Bertiz sunbildarrak garaipena lortu zuen junior mailan eta, beraz, jokatutako lau lasterketetatik hiru irabazi ditu.
Koldo Herrera sunbildarra ere bikain ibili zen. Seigarren izan zen sailkapen orokorrean, baina podiumera igo zen bera ere, 23 urtez beheitiko kategorian hirugarren izan zelako. Igor Agesta hamaseigarren postuan sailkatu zen M-40 kategorian.
Datozen lasterketak
Eneit Bertizek Nafarroako selekzioarekin parte hartuko du Tibin (Alacant) asteburu honetan jokatuko den Superprestigio MTB proban. Ibai Ordax doneztebarrak, berriz, Labagravel lasterketan parte hartuko du.