Urdinak hobeki hasi ziren eta hamarnako lehen berdinketa arte aitzinetik izan ziren markagailuan. Nahiko parekatua joan zen zati horretan partida, Jabalerak abiadura eman zion pilotari eta hiru tantoko aldea hartu zuten urdinek (13-16),baina hemezortzinako berdinketaren ondotik gorriek hartu zuten agintea, batez ere Utergak egindako partida handiari esker eta Barricarten segurtasuna baliatuz. Lauzpabortz tantoko aldea lortu zuten eta zazpi tantoko alderik handienak (28-21, 29-22, 31-24). Azkenean, 35-29 nagusitu ziren gorriak eta, iaz bezala, txapeldun suertatu ziren Uterga eta Barricart.
Jaialdiko lehen partidan, Matxin III.ak eta Aimar Saldias oiztarrak 35-33 irabazi zieten Beñat eta Olanori.