Euskarak estatu bat behar du, Gazteok independentzia eta Ernairen logoa. Korrikaren harira, mezu hori zuen murala margotu zuen Malerrekako Ernaik Doneztebeko Merkatu Plazan. Handik egun batzuetara, ordea, apirilaren 16-17ko asteburuan, borratua agertu zen, eta hori salatu du Malerrekako Ernaik.
«Badirudi batzuei gure presentziak eta euskararen aldeko aldarriak mintzen diela», adierazi du Ernaik, baina «argi eta garbi» utzi nahi izan dute «Malerrekan ez dugula horrelako erasorik onartuko. Aitzinean izanen gaituzue!». Hala, joan den ortziralean berriz margotu zuten murala.