Mendaur nagusitu zaio Xarutari Ezkurran jokatutako Malerrekako pilota erronkako lehen jardunaldian

Ttipi-Ttapa 2022ko api. 11a, 10:30
Deskargatu Info Ahotsak :
Español English Français Català Galego

Ados pilota elkarteak eta Malerrekako Mankomunitateko gizarte zerbitzuek, berdintasunaren eta errespetuzko harremanen alde antolatutako Malerrekako erronka pilota txapelketako lehen jardunaldia jokatu zuten larunbatean Ezkurran. Mendaur nagusitu zitzaion bi partidatan Xarutari eta giro bikaina izan zen Ezkurrako pilotalekuan.   Argazkiak: Jaione Zabalo

Lau eta erdiaren barrenean jokatutako partidan Mendaurko Osesek 18-9 irabazi zion Xarutako Aldaregiari eta binaka, Mendaurko Arrieta eta Mujikak 22-16 irabazi zieten Xarutako Irantzu Iantzi beratarri eta Ruiz de Larramendiri.

Jaialdia irekitzeko pilotari ertainek jokatutako partidan Goiuri Zabaleta leitzarrak eta Janire Sotilek 22-14 irabazi zieten Leire Oskoz eta Nahia Bertiz sunbildarrari.

Datorren igandean Donamarian

Malerrekako erronkako bigarren jardunaldia apirilaren 17an, igandean 19:00etan jokatuko dute Donamariako pilotalekuan Axkin (Orbegozo, Ruiz de Infante eta Naroa Agirre) eta Ekaitza (Iera Iturriaga leitzarra eta Naroa Etxekolonea eta Ane Mendiburu zubietarrak) taldeek.

Kirola Malerreka Ezkurra

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!