Euskal Jai Erremonte Fundazioak antolatutako Iruñerriko II. Erremonte Profesionaleko Txapelketa aurkeztu zuten apirilaren 6an, asteazken arratsaldean Atarrabiako San Andres errotan. Bortz bikote izanen dira lehian apirilaren 9an, larunbatean Ezkabarten abiatuko den txapelketan: Xanti Uterga doneztebarra eta Barricart, Zeberio II.a eta Otano, Aimar Jabalera doneztebarra eta Ion, Matxin III.a eta Agirrezabala eta Eloi Otxandorena doneztebarra eta Aimar Saldias oiztarra.
Denek denen kontra jokatuko dute ligaxkan, apirilaren 9an Ezkabarten, apirilaren 16an Zubirin, apirilaren 23an Uharten, apirilaren 30ean Antsoainen eta maiatzaren 6an Iruñean eta ligaxkako sailkapeneko bi lehenbiziko bikoteek jokatuko dute finala maiatzaren 14an Atarrabian.
Larunbat honetan Ezbakarten jokatuko den lehen jardunaldian, lehenbiziko partidan Matxin III.a eta Agirrezabala, Uterga eta Barricarten kontra ariko dira eta bigarren partidan, Zeberio II.a eta Otano, Otxandorena eta Saldiasen kontra.