Malerrekako Zerbitzu Orokorren Mankomunitateak kamioi berria erosi du eskualdeko etxe, denda, ostatu, jatetxe, tailer eta abarretako hiri hondakinak biltzeko. Puntako teknologia duen ibilgailu berria errefusa eta gai organikoak biltzeko erabiliko dute. Mankomunitateko arduradunek adierazi dutenez, «hondakinen bilketa egiteko kamioiak urte asko zeramatzan lanean eta hagitz zaharkitua zegoenez, berritu behar zen. Eskuratu dugun kamioi berri honekin etorkizuneko erronketara egokitu ahalko gara».
