Pandemiaren geldialdiaren ondotik, Doneztebeko Erreka elkarteko judo ataleko kirolariek gogoz hasi dute denboraldia. Orain otsailean txapelketetan hasiak dira: lehenengoak, infantil eta kadeteak hiru faserekin, eta alebinak birekin.
Kadete mailan bi neska ari dira, Maialen Maritxalar 63 kiloko kategorian eta Gaxuxa Zelaieta 57 kilokoan.
Infantil mailan, berriz, lau judoka paratu ditu Errekak tatami gainean: Eneko Zulaika (60 kiloko kategorian), Joanes Juanotena (46 kilo), Xabat Maritxalar (42 kilo) eta Unai Irigoien (38 kilo)
.
Alebinetan, Aitor Irazoki (42 kiloko kategoria) da Errekako partaide bakarra.
Noelia Ariztia entrenatzaileak adierazi duenez, «guzti hauek ilusio handienarekin jokatu dute lehenengo fasea, konbate batzuk galdu eta bertze batzuk irabaziz. Erraten diedan bezala, konpetituz ikasten da konpetitzen, hau dela eta akatsetatik ikasi eta hurrengoa prestatzen segituko dugu klubean».