Eusko Label binakako txapelketako jardunaldia jokatu dute ilbeltzaren 15ean Donezteben

Ttipi-Ttapa 2022ko urt. 17a, 12:00

Ados eta Bortziriak pilota taldeetako neska gazteak ere aritu ziren Doneztebeko jaialdian. Argazkian, Etxekolonea zubietarrarekin eta Mujikarekin ageri dira.

Eusko Label binakako txapelketako jardunaldia jokatu zuten larunbat arratsaldean Doneztebeko Ezkurra pilotalekuan. Etxekolonea zubietarrak eta Mujikak 22-17 irabazi zieten Etxeberria eta Iraetari. Aitzinetik, promozio mailako partidan, Rodriguez eta Mondragon II.ak 22-18 irabazi zieten Peribañez eta Alduntzini.

Txapelketa ofizialeko pilotariak baino lehen eskualdeko pilota eskoletako nesken pilota partidak ikusgai izan ziren. Ados pilota elkarteko ttikiekin batera Bortziriak klubekoak ere aritu ziren.

Promozio mailako partida jokoan larunbatean Donezteben.

Igandean Astigarragan

Eusko Label binakako txapelketak segida izan zuen Astigarragan. Lehen partidan, promoziokoan, Kortazar eta Ezeizaren ordez aritu zen Seturtxak 22-19 irabazi zieten Iturzaeta eta Azpeitiari. Lehen mailako txapelketako partidan, Iturriaga leitzarrak eta Egañak 22-14 irabazi zieten Zelaia eta Lopezi.

Astigarragako jardunaldian, lehen mailakoak jokoan: Zelaia pilota astintzen eta Iturriaga leitzarra defentsan.

Kirola Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun