Odola emateko hiru hitzordu egun hauetan Donezteben

Gaur, ortziralean eta heldu den asteartean, ilbeltzaren 4an, 7an eta 11n, odola emateko ADONAren unitate ibiltaria Doneztebeko Osasun Zentroan izanen da. Gaur eta heldu den asteartean arratsaldez ariko dira eta ortziralean goizez. Odola emateko aitzinetik hitzordua hartu beharko da. Ondoko asteetan Leitzara, Elizondora eta Goizuetara ere hurbilduko da unitate ibiltaria.

Urteko lehenbiziko hilabetean odola ateratzeko egutegiaren berri eman du ADONA Nafarroako Odol Emaileen Elkarteak. Horren arabera, aste honetan eta hurrengoan hainbat hitzordu izanen dira Doneztebeko Osasun Zentroan: gaur, ilbeltzaren 4an, 17:00etatik 20:30era ariko dira, ortziralean, hilaren 7an, 09:00etatik 13:00etara, eta ilbeltzaren 11n, 17:00etatik 20:30era. Hitzordua ADONAren webgunean hartu behar da edo 848 42 05 73ra deituta.

ADONAk odola emateko deia egin die herritarrei, eta momentu honetan, odol talde hauetan dute beharrik handiena:

Hitzordu gehiago eskualdean

  • Ilbeltzaren 10ean Leitzan izanen da ADONAren unitate ibiltaria, 17:00etatik 20:30era.
  • Ilbeltzaren 26an, 27an eta 28an Elizondon, 26an eta 27an 17:00etatik 20:30era eta 28an 09:30etik 13:00etara.
  • Ilbeltzaren 31n Goizuetan, 17:30etik 20:30era.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun