Ana Jaka idazlearekin solasaldiak izanen dituzte abenduaren 17an Donezteben

Ana Jaka idazlea Durangoko Azokan.

Ortziralean 17:00etan bere poesiaz ariko dira liburutegian eta 19:30ean Ez zen diruagatik izan eleberriaren inguruan.

Abenduaren 17an (ortziralean) Ana Jaka idazlearekin bi solasaldi izanen dituzte Doneztebeko liburutegian. 17:00etan bere poesiaren lanketa, errezitaldi eta solasaldia eginen du. Ekimen hau Poesia tailerraren barrenean kokatuta dago. 19:30ean, berriz,  bertze solasaldia eginen du Ez zen diruagatik izan eleberriaren inguruan. Hau Malerrekako Euskarazko Irakurle Taldearen jardueraren barrenean kokatu behar da.

Irakurle talde hau udazken honetan egituratu da eta Doneztebeko udalaren laguntzarekin idazlearen solasaldia antolatzeko aukera izan du. Bi solasaldiak irekiak dira, beraz, Jakaren obra ezagutu nahi duena liburutegira hurbiltzen ahal da. Bertzetik, aipatu liburutegia abenduaren 23tik  urtarrilaren 3ra itxita egonen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun